 |
| അഡ്വ. ടി കെ സുജിത് ക്ലാസെടുക്കുന്നു |
മേഖലാ ഐ ടി സബ് കമ്മിറ്റി സംഘടിപ്പിച്ച ഐ ടി പാഠശാല 2012 പ്രവര്‍ത്തകര്‍ക്ക് നൂതന അനുഭവമായി. ഐ ടി രംഗത്തെ സാധ്യതകള്‍ സംഘടനാ പ്രവര്‍ത്തനങ്ങളില്‍ ഉപയുക്തമാക്കാനുള്ള ക്ലാസും പരിശീലനവുമാണ്‌ പാഠശാലയില്‍ അജണ്ടയായി ചേര്‍ത്തിരുന്നത്. ആഗസ്റ്റ്‌ 11 ശനിയാഴ്ച രാവിലെ 10 മണിക്ക് ആരംഭിച്ച പാഠശാല വൈകിട്ട് 4 മണി വരെ തുടര്‍ന്നു. പരിഷത്ത് സംസ്‌ഥാന ഐ ടി സബ്കമ്മിറ്റി മുന്‍ കണ്‍വീനര്‍ അഡ്വ. ടി കെ സുജിത് പാഠശാലയ്ക്ക് നേത്രത്വം നല്‍കി. സ്വതന്ത്ര സോഫ്റ്വേയര്‍, മലയാളം കമ്പ്യൂട്ടിംഗ് എന്നിവയെക്കുറിച്ച് ക്ലാസുകള്‍ എടുത്തു. വിക്കിപീഡിയ, പരിഷത്ത് വിക്കി വെബ്‌, സോഷ്യല്‍ മീഡിയ എന്നിവയെ പ്രവര്‍ത്തകര്‍ക്ക് പരിചയപ്പെടുത്തി.
 |
| പാഠശാലയിലെ പങ്കാളികള്‍ |
മരുതൂര്‍ക്കുളങ്ങര യൂനിറ്റ് പാഠശാലയ്ക്ക് ആതിഥ്യം വഹിച്ചു. പരിഷത്ത് വിക്കി വെബ്‌സൈറ്റില്‍ യൂണിറ്റിന്റെ പേജ് രൂപീകരിച്ചുകൊണ്ട് പ്രവര്‍ത്തകര്‍ 'വിക്കി എഴുത്ത് ' പരിശീലിച്ചു.
 |
| പാഠശാലയിലെ പങ്കാളികള്‍ പരിശീലനത്തില്‍ |
മേഖലയിലെ എല്ലാ യൂനിടുകളുടെയും ചരിത്രം തയാറാക്കി പരിഷത്ത് വിക്കിയില്‍ ഉള്‍പ്പെടുത്താന്‍ പാഠശാലയില്‍ തീരുമാനമായി. മേഖലാ കമ്മിറ്റി അംഗങ്ങളും യൂനിറ്റ് ഭാരവാഹികളും ഉള്‍പ്പെടെ 28 പേര്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ