'ജാഗ്രത': പള്ളിക്കലാര്‍ പഠനത്തിന്റെ വിളംബരപത്രിക

'ജാഗ്രത' ശ്രീ സി ദിവാകരന്‍ എം എല്‍ എ ജാഥ ക്യാപ്ടന് നല്‍കിക്കൊണ്ട് പ്രകാശനം ചെയ്യുന്നു

പള്ളിക്കലാര്‍- വട്ടക്കായല്‍ പഠനത്തിന്റെ അടിസ്ഥാനത്തില്‍ മേഖലാ കമ്മിറ്റി തയാറാക്കിയ 'ജാഗ്രത' എന്ന ബഹുവര്‍ണ്ണ സപ്ലിമെന്റ് സവിശേഷ ശ്രദ്ധ ആകര്‍ഷിച്ചു. പഠന സംഘാംഗങ്ങളുടെ ലേഖനങ്ങളും പഠന അനുഭവങ്ങളും ഉള്‍പ്പെടുത്തിയ സപ്ലിമെന്റിന്റെ 10000 കോപ്പി വിതരണം ചെയ്തു. ജാഥാ സ്വീകരണ ചടങ്ങില്‍ വച്ച് ശ്രീ സി ദിവാകരന്‍ എം എല്‍ എ ജാഥ ക്യാപ്ടന് നല്‍കിക്കൊണ്ട് സപ്ലിമെന്റിന്റെ പ്രകാശനം നിര്‍വഹിച്ചു. 

'ജാഗ്രത'യുടെ പൂര്‍ണ്ണ രൂപം കാണാന്‍ ഇവിടെ ക്ലിക്ക് ചെയ്യൂ..

വീട്ടുമുറ്റ ക്ലാസ്സുകള്‍ക്കു തുടക്കമായി

വീട്ടുമുറ്റ ക്ലാസ്സ്‌: ശ്രീ എന്‍ സുരേന്ദ്രന്‍ (മേഖലാ പ്രസിഡണ്ട് )

പദയാത്രാ സ്വീകരണത്തിന് അനുബന്ധമായി മേഖലയില്‍ സംഘടിപ്പിക്കുന്ന വീട്ടുമുറ്റ ക്ലാസ്സുകള്‍ക്കു ജനുവരി 17 നു തുടക്കമായി. ടൌണ്‍ നോര്‍ത്ത് യൂണിറ്റിലെ കല്ലിക്കോട്ടു ശ്രീ കരുണാകരന്റെ വസതിയില്‍ ചേര്‍ന്ന യോഗത്തില്‍ നഗരസഭാ പ്രതിപക്ഷ നേതാവ് ശ്രീ കോട്ടയില്‍ രാജു ക്ലാസ്സുകളുടെ ഉദ്ഘാടനം നിര്‍വഹിച്ചു. ശ്രീ. ആര്‍. രവീന്ദ്രന്‍ പിള്ളയുടെ അധ്യക്ഷതയില്‍ ചേര്‍ന്ന യോഗത്തില്‍ യൂനിറ്റ് സെക്രട്ടറി ജെ.ചന്ദ്രബാബു സ്വാഗതം ആശംസിച്ചു. തുടര്‍ന്ന്‍ മേഖലാ പ്രേസിടന്റ്റ് എന്‍ സുരേന്ദ്രന്‍ ക്ലാസ്സെടുത്തു. മുപ്പതോളം പേര്‍ ക്ലാസ്സില്‍ പങ്കെടുത്തു. 

'വേണം മറ്റൊരു കേരളം' ക്യാമ്പയിന്റെ ഭാഗമായി പദയാത്രാ സ്വീകരണത്തിന് ശേഷവും ക്ലാസുകള്‍ തുടരും.

"ഇന്നത്തെ കേരളം, നാളത്തെ ഭാവി.."

സെമിനാര്‍ ഉദ്ഘാടനം: ശ്രീ പി കെ ഗോപന്‍ (ലൈബ്രറി കൌണ്‍സില്‍ ജില്ലാ പ്രസിടന്റ്റ്)

പദയാത്രാ സ്വീകരണത്തിനു അനുബന്ധമായി ആലുംകടവ് ബോധോദയം ഗ്രന്ഥശാലയുടെ സഹകരണത്തോടെ 'ഇന്നത്തെ കേരളം, നാളത്തെ ഭാവി' എന്ന വിഷയത്തില്‍` സംഘടിപ്പിച്ച സെമിനാര്‍ ജില്ലാ ലൈബ്രറി കൌണ്‍സില്‍ പ്രസിടന്റ്റ് പി കെ ഗോപന്‍ ഉദ്ഘാടനം ചെയ്തു. സംസ്ഥാന സാക്ഷരതാ മിഷന്‍ മുന്‍ ഡയരക്ടര്‍ ഡോ: എന്‍ ജയദേവന്‍ വിഷയാവതരണം നടത്തത്തി. കരുനാഗപ്പള്ളി നഗരസഭാംഗം അഡ്വ: ടി പി സലിംകുമാര്‍, ഡി വൈ എഫ് ഐ ഏരിയാ സെക്രട്ടറി ജെ ഹരിലാല്‍ എന്നിവര്‍ സംസാരിച്ചു.

ലക്ഷ്യബോധമുള്ള കൂട്ടായ്മകള്‍ കാലഘട്ടത്തിന്റെ ആവശ്യം..

സംവാദ സദസ്സ്

പ്രൊഫ: കോശി പി മാത്യു വിഷയാവതരണം നടത്തുന്നു

സംസ്ഥാന പദയാത്ര സ്വീകരണത്തിന് അനുബന്ധമായി കോഴിക്കോട് എസ്‌ എന്‍ വി എല്‍ പി എസ്സില്‍ 'വര്‍ത്തമാനകാല കേരളത്തിന്റെ ആശങ്കകളും പ്രതീക്ഷകളും എന്ന വിഷയത്തില്‍ നടന്ന സെമിനാര്‍ ജനപങ്കാളിത്തത്താല്‍ ശ്രദ്ധേയമായി. താലൂക്ക് ലൈബ്രറി കൌണ്‍സില്‍ സെക്രട്ടറി വി. വിജയകുമാര്‍ ഉദ്ഘാടനം ചെയ്ത സെമിനാറില്‍ തിരുവനന്തപുരം യൂണിവേഴ്സിറ്റി കോളേജ് സാമ്പത്തിക ശാസ്ത്ര വിഭാഗം മുന്‍ തലവന്‍ പ്രൊഫ: കോശി പി മാത്യു വിഷയാവതരണം നടത്തി. പരിഷത്ത് ജില്ലാകമ്മിറ്റി അംഗം വിജയമ്മാലാലി അധ്യക്ഷത വഹിച്ചു. കെജിഓയു മുന്‍ സംസ്ഥാന പ്രസിഡാന്റ്റ് ഡി. ചിദംബരന്‍, യുവകലാ സാഹിതി മണ്ഡലം സെക്രടറി ആര്‍. രവി, എഐവൈഎഫ് സംസ്ഥാന കമ്മിറ്റി അംഗം അഡ്വ: അനില്‍ എസ്‌ കല്ലേലിഭാഗം, ഡിവൈഎഫ്ഐ ഏരിയാ ട്രഷറര്‍ എ സജീവ്‌ എന്നിവര്‍ സംസാരിച്ചു.

പദയാത്രാ സ്വീകരണം: സംഘാടക സമിതിയായി..

'വേണം മറ്റൊരു കേരളം' ക്യാമ്പയിന്റെ ഭാഗമായി എത്തുന്ന സംസ്ഥാന പദയാത്രയ്ക്ക് മേഖലയില്‍ നല്‍കുന്ന സ്വീകരണം വിജയിപ്പിക്കുന്നതിന് വിപുലമായ സംഘാടക സമിതി രൂപീകരിച്ചു. എംഎല്‍എ മാരായ സി ദിവാകരന്‍, കോവൂര്‍ കുഞ്ഞുമോന്‍ എന്നിവര്‍ രക്ഷാധികാരികളും കരുനാഗപ്പള്ളി നഗരസഭാ ചെയര്‍മാന്‍ എം അന്‍സാര്‍ ചെയര്‍മാനുമായ സ്വാഗതസംഘത്തിന്റെ ജനറല്‍ കണ്‍വീനറായി കെ ജി ശിവപ്രസാദ് പ്രവര്‍ത്തിക്കും. വിവിധ വിഷയങ്ങളില്‍ മൂന്ന്‍ സെമിനാറുകള്‍, വീട്ടുമുറ്റ ക്ലാസുകള്‍, ശാസ്ത്ര പുസ്തക പ്രചരണം, പള്ളിക്കലാര്‍ പഠനം ഫോട്ടോ പ്രദര്‍ശനം, സപ്ലിമെന്റ് പ്രകാശനം എന്നിവ അനുബന്ധ പരിപാടികളായി നടക്കും.

പള്ളിക്കലാര്‍ പഠനം സംവാദ സദസ്സുകളിലൂടെ രണ്ടാം ഘട്ടത്തിലേക്ക്..

സംവാദ സദസ്സുകളുടെ ഉദ്ഘാടനം തൊടിയൂര്‍ ഗ്രാമപഞ്ചായത്ത് പ്രസിഡന്റ് എല്‍ ഷൈലജ നിര്‍വഹിക്കുന്നു 

പള്ളിക്കലാര്‍ വട്ടക്കായല്‍ പഠനത്തിന്റെ രണ്ടാം ഘട്ടമായ സംവാദ സദസ്സുകളുടെ ഉദ്ഘാടനം നവംബര്‍ ഒന്നാം തിയതി തൊടിയൂര്‍ അംബേദ്‌കര്‍ ഗ്രാമത്തില്‍ നടന്നു. തൊടിയൂര്‍ ഗ്രാമപഞ്ചായത്ത് പ്രസിഡന്റ് എല്‍ ഷൈലജ ഉദ്ഘാടനം ചെയ്ത യോഗത്തില്‍ പരിഷത്ത് ജില്ലാ പരിസര വിഷയ സമിതി കണ്‍വീനര്‍ വി കെ മധുസൂദനന്‍ ആമുഖാവതരണം നടത്തി. ഗ്രാമപഞ്ചായത്തിന്റെ മുന്‍  പ്രസിഡന്റ് എന്‍ രാമകൃഷ്ണപിള്ള,  മുന്‍ വൈസ് പ്രസിഡന്റ് റ്റി തങ്കച്ചന്‍ , പള്ളിക്കലാര്‍ സംരക്ഷണ സമിതി കണ്‍വീനര്‍ തൊടിയൂര്‍ രാധാകൃഷ്ണന്‍ എന്നിവര്‍ സംസാരിച്ചു.

രസങ്ങളുടെ രസക്കൂട്ടോരുക്കി "രസതന്ത്ര വണ്ടി" എത്തി..

ശൂന്യതയില്‍ നിന്നും തീയുണ്ടാകുന്നതും വെളുത്ത പ്രതലത്തില്‍ വര്‍ണക്ഷരങ്ങള്‍ തെളിയുന്നതും കുരുന്നുകള്‍ക്ക് അദ്ഭുതവും ആവേശവും പകരുന്ന കാഴ്ചയായി. അന്താരാഷ്ട്ര രസതന്ത്ര വര്‍ഷ ആചരണത്തിന്റെ ഭാഗമായി പരിഷത്ത് സംഘടിപ്പിച്ച "രസതന്ത്ര വണ്ടി" കുട്ടികള്‍ക്ക് കൌതുകമുള്ള അനുഭവങ്ങള്‍ സംമാനിക്കുന്നതയിരുന്നു. മേഖലയിലെ മൂന്നു കേന്ദ്രങ്ങളില്‍ സംഘം പരിപാടികള്‍ അവതരിപ്പിച്ചു. മാഡം ക്യൂരിയുടെ ജീവിതത്തെ ആസ്പദമാക്കിയ പാവ നാടകവും രസതന്ത്ര പാനല്‍ പ്രദര്‍ശനവും അവതരിപ്പിക്കപ്പെട്ടു. കരുനാഗപ്പള്ളി പട. തെക്ക് വെല്‍ഫെയര്‍ യു.പി.എസ്‌, കല്ലേലിഭാഗം ജനതാ വായനശാല, കിഴക്കേ തേവലക്കര യു.പി.എസ്‌ എന്നിവിടങ്ങളിലായി രണ്ടായിരത്തോളം കുട്ടികളും ബഹുജനങ്ങളും പരിപാടികള്‍ കാണാനെത്തി. പരിപാടിയുടെ സംഘടനത്തിന് വേണ്ടി മൂന്നു കേന്ദ്രങ്ങളിലുമായി 20000 രൂപയുടെ പുസ്തകം പ്രചരിപ്പിച്ചു.

പള്ളിക്കലാര്‍ പഠനത്തിനു ഉജ്വല തുടക്കം..

മേഖലാ കമ്മിറ്റിയുടെ ആഭിമുഖ്യത്തില്‍ നടത്തുന്ന പള്ളിക്കലാര്‍-വട്ടക്കായല്‍ പഠനത്തിനു ആരംഭമായി. ഒക്ടോബര്‍ 5 നു രാവിലെ കന്നേറ്റി ബോട്ട് ജെട്ടിയില്‍ നടന്ന ചടങ്ങില്‍ കായല്‍ മാര്‍ഗമുള്ള വിവരശേഖരണ യാത്ര കരുനാഗപ്പള്ളി നഗരസഭാ ചെയര്‍മാന്‍ എം.അന്‍സാര്‍ ഫ്ലാഗ് ഓഫ് ചെയ്തു. പഠനസംഘം കണ്‍വീനര്‍ സി.ശിവന്‍ പതാക ഏറ്റുവാങ്ങി. തൊടിയൂര്‍ ഗ്രാമപഞ്ചായത്ത് പ്രസിടന്റ്റ് എല്‍.ഷൈലജ, CMFRI റിട്ട. സീനിയര്‍ സയന്റിസ്റ്റ് ഡോ. കെ.കെ.അപ്പുക്കുട്ടന്‍, ഫിഷറീസ് ഡെപ്യൂട്ടി ഡയരക്ടര്‍ കെ.ജെ.പ്രസന്നകുമാര്‍, റിമോട്ട് സെന്‍സിംഗ് ഏജന്‍സി സയന്റിസ്റ്റ് ഡോ.എം.സി.അനില്‍കുമാര്‍, പരിഷത്ത് ജില്ലാ സെക്രട്ടറി യു.ചിത്രജാതന്‍, പരിഷത്ത് ജില്ലാ പരിസരസമിതി കണ്‍വീനര്‍ വി.കെ.മധുസൂദനന്‍, മുന്‍ ജില്ലാ പഞ്ചായത്ത്‌ അംഗം വിജയമ്മാ ലാലി എന്നിവര്‍ പങ്കെടുത്തു. തുടര്‍ന്ന് നടന്ന കായല്‍ യാത്രയിലും പ്രാഥമിക വിവര ശേഖരണത്തിലും 25 പ്രവര്‍ത്തകര്‍ അവരോടൊപ്പം ചേര്‍ന്നു. കന്നേറ്റി കായലില്‍ നിന്നും പള്ളിക്കല്‍ ആറിലേക്ക് 10 കിലോമീറ്റര്‍ ബോട്ട് മാര്‍ഗം നടത്തിയ വിവര ശേഖരണ യാത്ര ഒട്ടേറെ പുതിയ അറിവുകളും അനുഭവങ്ങളും നല്‍കുന്നതായിരുന്നു. രാവിലെ 10 മണിക്ക് ആരംഭിച്ച യാത്ര വൈകിട്ട് 6മണിക്ക് സമാപിച്ചു. വിവിധ സ്ഥലങ്ങളിലെ ജല സാമ്പിളുകളും കായല്‍ സസ്യങ്ങളും ശേഖരിച്ചു പരിശോധനയ്ക്ക് നല്‍കി. ആറിന്റെ ആഴം, ഗതി, മലിനീകരണം, തീരസംരക്ഷണം എന്നിവ സംബന്ധിച്ച പ്രാഥമിക വിവരങ്ങള്‍ യാത്രയിലൂടെ ലഭ്യമായി.
യാത്രാ സംഘത്തിനു വിവിധ കേന്ദ്രങ്ങളില്‍ കല്ലേലിഭാഗം യൂനിറ്റ്, തൊടിയൂര്‍ ഗ്രാമപഞ്ചായത്ത്‌ ഭരണസമിതി എന്നിവയുടെ നേതൃത്വത്തില്‍ സ്വീകരണം നല്‍കി. മധ്യാഹ്ന, സമാപന കേന്ദ്രങ്ങളില്‍ സംഘത്തിനു ഭക്ഷണം ഒരുക്കിയത് ഗ്രാമപഞ്ചായത്ത്‌ ഭരണസമിതിയാണ്. ഫിഷറീസ് വകുപ്പ്, കരുനാഗപ്പള്ളി നഗരസഭാ, തൊടിയൂര്‍ ഗ്രാമ പഞ്ചായത്ത് എന്നിവയുടെ സഹകരണത്തോടെ നടത്തുന്ന പഠനത്തില്‍ സമഗ്ര വിവര ശേഖരണമാണ് ലക്ഷ്യമിടുന്നത്.

പള്ളിക്കലാര്‍ പഠനം: സംഘാടക സമിതി രൂപീകരിച്ചു..
സുവര്‍ണ്ണ ജൂബിലിയുമായി ബന്ധപ്പെട്ട് പരിഷത്ത് ഏറ്റെടുത്തിട്ടുള്ള വിപുലമായ ക്യാമ്പയിനാണ് "വേണം മറ്റൊരു കേരളം" ക്യാമ്പയിന്‍. ഇതിന്റെ ഭാഗമായി മേഖല ഏറ്റെടുക്കുന്ന പള്ളിക്കലാര്‍ പഠനത്തിനു നേത്രത്വം നല്‍കുവാന്‍ സംഘാടക സമിതി രൂപീകരിച്ചു. മേഖലയുടെ മധ്യഭാഗതുകൂടി കടന്നു പോകുന്ന ആറ് ഇപ്പോള്‍ ഗുരുതരമായ പരിസ്ഥിതി പ്രശ്നങ്ങള്‍ അഭിമുഖീകരിക്കുകയാണ്. ഈ പ്രശ്നങ്ങളില്‍ സജീവമായി ഇടപെടുന്ന കല്ലേലിഭാഗം യൂനിറ്റ് പഠനത്തിന്റെ ഭൌതിക സംഘാടനം നിര്‍വഹിക്കും.

വിജ്ഞാനോത്സവം വരവായി...


യുറീക്കാ-ശാസ്ത്രകേരളം വിജ്ഞാനോല്സവതിന്റെ സ്കൂള്‍ തലം സംഘടിപ്പിക്കുന്നതിനുള്ള ഒരുക്കങ്ങള്‍ മേഖലയില്‍ പൂര്‍ത്തിയായി. വിജ്ഞാനോല്സവതിന്റെ മുന്നോടിയായി കുട്ടികള്‍ സ്വയം ചെയ്തുകൊണ്ടുവരേണ്ട പ്രവര്‍ത്തനങ്ങള്‍ യുറീക്കാ, ശാസ്ത്രകേരളം മാസികകളിലൂടെ പരസ്യപ്പെടുതിയിരുന്നു. അവ ഉള്‍കൊള്ളിച്ചു തയാറാക്കിയ പോസ്ടരുകള്‍ എല്ലാ സ്കൂളുകളിലും നോട്ടീസ് ബോര്‍ഡില്‍ പ്രസിധപ്പെടുതിയിട്ടുണ്ട്. സ്കൂള്‍ തല വിജ്ഞാനോത്സവം മേഖലയിലെ എല്ലാ സ്കൂളുകളിലും സെപ്തംബര്‍ 28 ബുധനാഴ്ച ഉച്ചയ്ക്ക് 2 മണിക്ക് ഒരേസമയം തന്നെ നടക്കും.
കുട്ടികള്‍ തയാരാക്കികൊണ്ട് വരേണ്ട പ്രവര്‍ത്തനം സംബന്ധിച്ച നിര്‍ദേശങ്ങള്‍ക്ക് ഇതോടൊപ്പമുള്ള ചിത്രങ്ങള്‍ കാണൂ...